غزل

خوشي گڏجي ملهايون ها اگر موٽي اچين ها تون
رقيبن  کي  جلايون  ها  اگر  موٽي اچين  ها  تون

سمورو  سال ويو  گذري تڪيندي راه هي  تنهنجي
اسان  رستا  سجايون ها  اگر  موٽي اچين ها  تون

قسم تنهنجا پرين مون کان اڃا تائين نه وسريا هن
وچن  سارا  نڀايون  ها  اگر  موٽي  اچين  ها  تون

اڃا  هي  نيڻ  منهنجا   منتظر  آهن   پرين  تنهنجا
اکين  جي اڃ مٽايون  ها  اگر موٽي  اچين ها تون

محبّت  جو   سجائي  باغ  نفرت  کي   مٽائيون ها
نه ”زخمي“ پو سڏايون ها اگر موٽي اچين ها تون

ضمير احمد